A 08 - Agnus dei

Bænarákallið, Agnus Dei, qui tollis peccata mundi, er fastur liður í klassiskri messu og er sunginn þegar gengið er til altaris. Byggir hann á orðum Jóhannesar skírara, Jóh. 1.29.  Þýska sálmaskáldið Nikolaus Hovesch Decius (1485 - 1546) sneri þessum helgisöng í vers á 16. öld. Gísli biskup þýðir það úr dönsku eftir sálmabók Claus Pedersen 1533, O, Guds Lamb uskyldig.  Í Sálmabók 1589 er sálmurinn í nýrri þýðingu, Ó, Guðs lamb, saklaus laminn (nr. 144).  Í Graduale 1594 er   MEIRA ↲

Bænarákallið, Agnus Dei, qui tollis peccata mundi, er fastur liður í klassiskri messu og er sunginn þegar gengið er til altaris. Byggir hann á orðum Jóhannesar skírara, Jóh. 1.29.  Þýska sálmaskáldið Nikolaus Hovesch Decius (1485 - 1546) sneri þessum helgisöng í vers á 16. öld. Gísli biskup þýðir það úr dönsku eftir sálmabók Claus Pedersen 1533, O, Guds Lamb uskyldig.  Í Sálmabók 1589 er sálmurinn í nýrri þýðingu, Ó, Guðs lamb, saklaus laminn (nr. 144).  Í Graduale 1594 er önnur gerð, endurbætt: Ó, Guðs lamb saklausa, á krossinum líflátið. Þannig er versið í messusöngsbókum til 1801. Í Sálmabók 1886 kemur hann inn á ný og nú í þýðingu séra Stefáns Thorarensen, Ó, Guðs lamb, synda sýkna. Þannig er hann í Sálmabók 1945. Í Sálmabók 1972 birtist sálmurinn í nýrri þýðingu Sigurbjörns biskups, Ó, Guðs lamb helga, hreina. Hann er nr. 311 í Sálmabók 2022.