Langt er síðan ég langvíu sá

Vísur  Mag. Gísla Vigfússonar (d. 1673).

Gísli var útskrifaður úr Skálholtsskóla 1658; sigldi sama ár; var 

í Leiden 1661; skólameistari á Hólum 1664-1667; 

trúlofaðist þá Guðríði dóttur síra Gunnars Björnssonar 

á Hofi á Höfðaströnd; sigldi 1668, og varð magister. 

Kom út aptur 1669. Kvæntist Guðríði 1670. 

Vísurnar eru því ortar 1668-1669.

                Langt er síðan eg langvíu sá 1)

                        liggjandi í böndum, -

                        eg er kominn oflangt frá

                        öllum mínum löndum.

                Norðurfjöllin nú eru blá,

                        neyð er að slíku banni, -

                        eg er kominn oflangt frá

                        ástar festu ranni.

                Ýtar sigla í önnur lönd

                        auðs að fylla sekki.

                        Eigðu Hof á Höfðaströnd,

                        hvort þú vilt eða ekki.

_________________________

1) Eigendur  Hofs eignuðu Hofskirkju fuglatekju í Drangey, 

og lögfestu Hof með því. Síra Gunnar átti Hof, og Guðríður dóttir hans, 

sem var einbirni, átti að erfa það.

                                (Blanda I, bls. 233)