A 092 - Sami sálmur öðruvís útlagður

Fyrirsögn sálmsins er:
„Sami psalmur ödru vís útlagdr“ og er þar átt við sálminn á undan, „Nú biðjum vér helgan anda“, sem er þýðing Gísla biskups Jónssonar á sálmi Lúthers, „Nun bitten wir den heiligen Geist„ en Gísli þýðir hann reyndar eftir danskri þýðingu, „Nu bede vi den Helligaand“.
Auk Vísnabókar Guðbrands er þessi sálmur einnig í: Sb. 1619, bl. 59; sb. 1671, bl. 64; sb. JÁ. 1742, bls. 178; sb. 1746, bls. 178; sb. 1751, bls. 296–297, og grallara 1607 (í viðauka) og öllum gröllurum síðan, svo og í s-msb. 1742.
Mikill munur er á hvað þessi þýðing er miklu betri en þýðing Gísla biskups.
Marteinn Einarsson var fyrstur til að þýða þennan sálm, „Hrópum vér til heilags anda nú“, og sýnist hafa þýtt hann beint úr þýsku. Hann er fyrsti sálmur í Sálmabók hans.