SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3128)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
EllakvæðiFyrsta ljóðlína:Fann eg á skógi fyrir mér mann
Höfundur:Höfundur ókunnur
Heimild:JS 474 8vo (Bergsbók). bls.110–117
Viðm.ártal:≈ 1400
Fyrirvari: Þarf að bera texta Bergsbókar betur saman við prentun kvæðisins í Ígsvþ. Eg vil greina ef mér launar eikin vella
hvað þar var í húfunni hans Ella.
1. Fann eg á skógi fyrir mér mann,eg fór þangað til veiða. *Klatsekk bar á herðum hann, hafði för svo greiða. Skoðaði eg í skrjóðinn þann, mér skildist gella hvað þar var í húfunni hans Ella.
2. Þar var inni kambur klárog kubbur brýnis þungur, stæltar axir stórar þrjár, steðji og járnapungur, nokkur saumhögg, nipur ljár og niðurfella. Það var allt í húfunni hans Ella.
3. Skafla voru þar skeifur tólf,*skrifl með ólum breiðum, brýnd og fáguð beislahvolf og bólur af turna reiðum, lyklar sex með lásagólf og losuð mella. Það var allt í húfunni hans Ella.
4. Alfær smiðja þar inni varog einninn kertahjálmur, renndir fjórir reksteinar sem rauðagull og málmur, fimmtán kopars fjórðungar og falleg hella. Það var allt í húfunni hans Ella.
5. Tálguhnífar tvennir þrírog tólf bætur af skinni, urgur nafar, ekki rýr, og annar þar hjá minni. Hófspeld margt í henni býr og hafurs drella. Það var allt í húfunni hans Ella.
6. Þar voru inni taldar tværtunnur af frönsku víni, ostar fimm og uxalær og ok af feitu svíni, höfuðin bæði, horn og klær. Það heyrðist gella: Það var allt í húfunni hans Ella.
7. Hestur var þar hálfbirktur,hundrað selaslæður, feitur uxi ferhyrndur og fimmtíu skötumæður, ellefutíu apynjur í sem ei má hrella. Það var allt í húfunni hans Ella.
8. Sauðargærur sex og þrjárog sjötíu heykrókar. Ekki þurfti um öll sín ár að útvega skinn til brókar. Var þar hrífur og vallarklár og vel stór hella. Það var allt í húfunni hans Ella.
9. Kjallari einn með kryddað vínog kæsi dallar átta. Aldrei fékk hann auðar lín upp hjá sér að hátta utan hún fengi elsku brím en engan skella. Það var allt í húfunni hans Ella.
10. Kertapípur og kápa ein,keröld og dallar níu, sígyrtur fyrir silkirein og sandur af ormastíu, lesprjónar úr látúnstein og ljónshaus skella. Það var allt í húfunni hans Ella.
11. Engin bók þar inni varutan Brönu saga. Iðkaði hann ekki annað par alla sína daga. Fríða orðið fannst ei þar, sú frægust perla. Það var allt í húfunni hans Ella.
12. Húfan var svo harla stórsem hæsta fjall að líta, huldi þó varla heilakór með hundsskinnsfóðri hvita. Einn var laskinn ofinn mjór og opin þella. Það var allt í húfunni hans Ella.
13. Tunnu stampar tólf og þrír,tíðum má það inna, sextán tunnur sérhvör nýr, sagt er tæki ei minna. Af öllu þessu ei var rýr sá unnur vella. Það var allt í húfunni hans Ella.
14. Átján uxa og eina kúí henni hafði hann líka. Aðra eins að eignast nú enginn mann kann slíka. Engin vildi auðar brú sig að honum fella. Það var allt í húfunni hans Ella.
15. Í henni hafði hann öll sín gæði,öllu framar en greinir kvæði. Þreyttur var hann af þungri mæði með þjáning svella. Það var allt í húfunni hans Ella.
16. Eiga vildi ætíð meira,af öllum hlutum, munuð þér heyra: Fimmtán pípur foldar dreyra fékk hann í sinn bella. Það var allt í húfunni hans Ella.
17. Liðug töng þar látin varsem logandi járnið klípur, þrettán tóbaks þumlungar og þrjátíu tóbakspípur. Tólf voru dósir tvennar þar sem tíðum smella. Það var allt í húfunni hans Ella.
18. Ástré var þar inni eittog áttatíu hnísur, hrútshorn margt og folald feitt og fimmtíu þar með lýsur, byssan steytt með *bragðið breitt sem brátt kann smella. Það var allt í húfunni hans Ella.
19. Oldenborg þar öll komst innog eyin Jótlands breiða, hennar masttrén harla stinn með hörku miklum reiða við réð standa stafninn hinn og stýrið svella. Það var allt í húfunni hans Ella.
20. Átján voru þar uppstökklarmeð erðis heila múra, sem komnir voru úr kólgumar og kollurinn af honum búra, botninn líka breiður og snar og bægslið svella. Það var allt í húfunni hans Ella.
21. Nauthvalirnir níu og þrír,náfiskur og rýnir, skrímsli flest og skógardýr og skollabelgir fínir, Hafnarfjall sem harkan lýr og Hrugnirs kella. Hún var komin í húfuna hans Ella.
22. Endakólfur úr einni kúeinninn var þar líka. Þetta styrkir þegna bú ef þrifleg fylgir píka, brauðstampur fyrir börnin þrjú og blómleg pella. Það var allt í húfunni hans Ella.
23. Sauðarleggir sáust þarsextíu og átta betur. Valnapoki að *vísu var, vættir tvær, þess getur, hundsskinn mörg og mörstokkar og músafella. Það var allt í húfunni hans Ella.
24. Átján vættir af æðadúní henni var líka, sjötíu höfuð af sauðum og kúm og sextán lærakríkar, fjörutíu færirúm og fiskihaus kella. Það var allt í húfunni hans Ella.
25. Hrútsvömb var þar hálfsundruðog hörpudiskar settir, rostungstennur tvöhundruð og tíu dalir sléttir, léreptstunna upptundruð og öldruð kella. Það var allt í húfunni hans Ella.
26. Sessur fimm og sængur tværsáust þar líka inni, hrútar tólf og hundrað ær. Hafandi er slíkt í minni. Loga aldrei ljósin skær sem lýsnar vella. Þær voru og í húfunni hans Ella.
27. Álftir voru inni þaráttatíu líka, fjögurhundruð fluggammar og fálkakynið ríka. Spóinn ekki spakur var. Hann sprakk að vella. Það var allt í húfunni hans Ella.
28. Þar nú inni að vísu varvötnin stöðu fjegur, sandlægur og síldrekar og silungur ógnarlegur, Ingólfsfell og Eldeyjar og *ígrá kella. Það var allt í húfunni hans Ella.
29. Þar voru inni marflær, mýsog margslags uggareita, fjandans margar færilýs og frábær maðkaveita, þrjátíu hestar þurrt með hrís að þétta og fella því holótt var í húfunni hans Ella.
30. Þar voru inni svo til sannssjötíu hákarlsbeitur, hinn og annar hrævafans og hrossamagáll feitur og aðrir hlutir innan lands sem eykst af rella. Það var allt í húfunni hans Ella.
31. Byrðingur einn og bátar sjöbúið um í skorðum, hundrað voru þar talin tré með tuttugu eikiborðum, háls af einni háfmere og hrosshaussskella. Það var allt í húfunni hans Ella.
32. Laglegur bor og laðir tvær,lítt var fansinn naumur, þrjúhundruð og þrjátíu rær og þar með járns skipssaumur. Maður er ei minnisfær hann muni það gella hvað þar var í húfunni hans Ella.
33. Þar var inni fuglinn frár,fálkar nokkrir bjartir, hreiðurálftir hvítar þrjár og hrafnar átján svartir. Með organs hljóð um ýmsar krár þar álkur vella. Það var allt í húfunni hans Ella.
34. Þar voru inni, þess eg get,þrennir risar níu, útburður, sem illa lét, og afturgöngur tíu. Svikarinn sá sem Satan hét, hann sást þar gella. Hann var líka í húfunni hans Ella.
35. Óðinn kóngur einn var þarog annar tignarligri, Grímur Ægir gildur og snar og Gebal sá hinn digri, skrípilegar skessurnar þar skræktu gella. Það var allt í húfunni hans Ella.
36. Þar voru inni Þór og Týrþrúgaðir tundri ála, sjö graðungar, sextán kýr og sjötíu kokkálar. Hóran mörg í henni býr og hrúgur *pella. Það var allt í húfunni hans Ella.
37. Úlfur, tófa, arnir, björn,átta af hverju peri, malthálftunna, mikil kvörn og málfaðmur af sméri, kambur stór og keitutjörn þar kjaftar smella. Það var allt í húfunni hans Ella.
38. Aspar risi óð þar inn,yddum hélt á vigri, Busla kerling blökk á kinn, Bárður Dumbsson digri. Af því segi eg ei öllu um sinn sem eg sá gella hvað þar var í húfunni hans Ella.
39. Lýsistunna, sýrusár,sekkir tólf af skyri, lóðir, snæri, artug ár innan dyrnar fyrir, haus af búra, hestur frár réð hófum smella. Það var allt í húfunni hans Ella.
40. Húfuna þessa hef eg séð,hún var gjörð með ráðum, reirð í bagga reipum með og rennt að högldum báðum. Átján voðir eg fæ téð fór í hana gella. Þó fór meira í húfuna hans Ella.
41. Ekki neitt eg ýkja skal:Þá upp var hún gjörð að nýju. Í einum laska að vísu var voðir áttatíu, átján þúsund auka tal fór í hana gella. Það fór allt í húfuna hans Ella.
42. Lagt hefur það á lágan mannlauka eik með kæti sem eftir toga efnið spann í annað sinn við bæti. Hróðurinn minn svo hrörna vann, það heyrist gella hvað þar var í húfunni hans Ella. Athugagreinar
1.3 Klatsekk] trúlega villa fyrir klakksekk Ígsvþ.
3.2 skrifl] skrift Ígsvþ. 18.5 bragðið breitt] brögðum breytt Ígsvþ. 23.3 vísu] vissu Ígsvþ. 28.6 ígrá kella = Kellingin við Reykjanes? Ígsvþ 36.7 pella] þella Ígsvþ. |