Drafnardans

Úlfhamur skal med orða val
yfer þér nokkru lýsa
og telja senn þær tóku menn
tuttugu á dægri vísa.
Virtu nú ljóð og vertu góð,
vil eg þig feginn prísa;
þó ertu Dröfn þeim meir en jöfn,
þú ert ódyggða hnýsa.

Myntha var ein manndyggða sein
margt eg síst þar um ræði.
Rhodone lét sem ljóst eg get
í litlu þessu kvæði.
Byggði turn þann eg kveða kann,
kostaði makleg gæði;
þó ertu Dröfn þeim meir en jöfn
í þínu skammar æði.

Í Corinthu borg var síst með sorg
sú hét Lais (eg frétti),
Phryne ein var med fegurðar
fals og ódyggða bletti.
Önnur Tais á sér bar glys
undir svikanna hetti;
þó ertu Dröfn þeim meir en jöfn
mér þykir þú vera glettin.

Sinope bar af þessum þar
þykir í slíkum áttum
og Philenis gekk góðs á mis
greini eg hana fátt um.
Paula hét ein, Alcen lítt hrein
innra í sinnis gáttum;
þó ertu Dröfn þeim meir en jöfn
i þínum lífernis háttum.

Cyrene hét sem gjörla get,
gafst þeirri nógur mundur.
Aspasía ítum þæga
ein nefnist hér um stundu.
Phithomica ljóst menn lesa,
líst mér satt það eru undur;
þó ertu Dröfn þeim meir en jöfn
þegar þú teygist sundur.

Timandra ljós fékk lítið hrós
leggst Campase til hennar.
Ledna stygg enn lítið trygg,
lýðum skal þetta kenna.
Ein hét Cynna Salvacca
sem flestir náðu spenna;
þó ertu Dröfn þeim meir en jöfn,
þú ert sú mesta flenna.

Antycyra og Hermia
önnur med lasta bandi
ein Gnathena og Lamia
í þvi má teljast standi
Archidice er síst í hlé
á fúlu smánarlandi;
þó ertu Dröfn þeim meir en jöfn,
þú ert mesti kvenfjandi.

Faucula ber og Flóra hér
forprís i mínumm ljóðum;
allt eins eg skal ódyggða val
ekki lofast hia þióðum.
Apra í Krít er eins fánýt
elds þolir pín af glóðum;
þó ertu Dröfn þeim meir en jöfn,
þú ert fráskilin góðum.

Mannalia menn það vita
með Batyne skal sanna.
Chyone lét sig leggja í flet;
Supa nam engum banna
inngang hjá sér allt dável fer
um skikkun slíkra svanna;
þó ertu Dröfn þeim meir en jöfn
þú ert drottning skæknanna.