Um Guðbrand Þorláksson biskup 1612

Móðurjarðar Guð gjörði
Guðbrand föður viljandi;
á Ísa landi ljósu reyndar
lifa verk yfirmanns klerka.
Mættu þjóðir þrátt ræða,
um þann Drottins mann votta.
Guðbrand heiður að hendi
herrans verk bera góð merki.

Kross langur, þess þyngri,
þelhreinan, vel reynir,
Guði kæran, hvað heyrist,
hentar iðja prentsmiðju.
Orð Drottins varðveitti,
vel lærður til færði.
Guðbrand heiður að hendi
herrans verk bera góð merki.

Vorir landar örendir,
ofblandnir, sofandi;
Guðs verk yður ei orka
að hræra, það lærið
að lofa herrans gjöf hærra,
sem hugur klár dugir með tárum.
Guðbrand heiður að hendi
herrans verk bera góð merki.

Svo lætur nú njóta
náðar fenginnar Guð lengi
það land ef þjóðin fyndist
þakklát nökkuð í máta.
Heill lifi alla ævi
æru virður kær hirðir.
Guðbrand heiður að hendi,
herrans verk bera góð merki.