SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3128)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
HugbótFyrsta ljóðlína:Herra Jesús hreinn og trúr
Höfundur:Einar Sigurðsson í Eydölum
bls.103
Viðm.ártal:≈ 1600
Tímasetning:1612
1. Herra Jesús hreinn og trúrí hjarta byggi mínu svo hrynja mætti af hvörmum skúr með heitri ástar línu, svo burtu flýi syndin súr fyr sætu orði þínu, svo gleðjist sál í holdi hér himna faðirinn gefi það mér eg forðist fár og pínu.
2. Mig hefur fangað meinlegt stríð,mun því fátt til bóta, lifað hef eg svo langa tíð að lýtin aldrei þrjóta; kennt óvandað kvæðasmíð með kallsi og hæðni ljóta; hér með blindað hjartað mitt, herrann Jesús gefi það kvitt og láti mig líknar njóta.
3. Aumlega hefur mig veröldin villtaf veginum lífsins klára, flestu öllu fyrir mér spillt, sem fleiri hún kann dára; þó væri þeim nú að vakna skylt sem vel eru komnir til ára; að kenna heimsins köldu ráð, Kristur Jesús, gefi oss náð fyr sína pínu sára.
4. Fer eg nú rétt sem sauðurinn sásem sér kann ekki að bjarga þegar hann hvarflar hjörð í frá og hittir óbyggð marga; öngvu skjóli mæta má í millum grimmra varga. Góði hirðir, gæt þú mín, græðarinn Jesús, lömbum þín láttu ei leónin farga.
5. Svo er eg líkur syninum þeimer sínu góssi eyddi með saurlifnaði og synda keim svo sem að lystin beiddi, þenkti ei fyrr til föðurs síns heim en fárlegt hungrið neyddi; í útlegð slíka eg hefi hitt svo ei má eg nefnast barnið þitt nema Jesús aftur leiddi.
6. Afrækt hef eg öll þín ráð,minn elsku faðirinn hreini, margt eð góða mjög forsmáð meir en eg það greini; hefur mér þvílík heimskan bráð svo hættlega komið að meini. Utan það græði Jesús dyggð endalausa bæra eg hryggð með sáru sútar kveini.
7. Forþént hefi eg fyrir þá smán,faðirinn, þína reiði; eg hefi straffað allt þitt lán en öngvar þakkir greiði, verið svo allrar elsku án, af því trú eg það leiði, hjartað mitt er heldur kalt, herrann Jesús græði það allt, blíðlega eg þess beiði.
8. Sálin mín af syndum mæddsárt mun hún hefndum kvíða, við þann dapra dauðann hrædd og dóms áfellið stríða utan hún verði áður grædd fyr Jesú nafnið fríða. Hann einn trú eg hennar sár, hræðslu, sorg og gjörvallt fár bæta en brjóstið þýða.
9. Nú skal leita að læknings bótog lausnarans vitja náða, biðja hann af hjartans rót að hefta illsku bráða svo eflast mætti iðran fljót og er þá gott til ráða. Herrann Jesús, hjálpari minn, hingað sentu anda þinn að blíðka brjóstið þjáða.
10. Heilagur andi huggar mesthrellda sálu og móða, klára trúna kennir best, kveikir elsku góða; öngvan fáum vér æðra gest því auma gjörir hann fróða. Herrann Jesús himnum af hingað sendi og sínum gaf huggarann þennan þjóða.
11. Kæri faðir, eg kalla núfyr kraft hins heilaga anda: Auk þú mér þá ást og trú að ei megi flærðin granda. Son þinn góðan sendir þú að svipta oss öllum vanda. Jesús gjörðist mannleg mynd, meinlaus leið fyrir vora synd ánauð allra handa.
12. Herra Guð, eg þakka þéraf þýðum hjartans grunni fyr ástgjöf þá er af öllum ber og enginn trú eg það kunni að skilja rétt sem skyldugt er eður skýra það með munni að þú gafst oss Jesúm Krist með allri náð og sæluvist af innstum elsku brunni.
13. Fyrir það höfum vér fengið nægðog flest öll lífsins mæti, á hörðum dómi hljótum vægð, hvör mann að því gæti, öðlunst þar með æðsta frægð og arf í himna sæti. Alls kyns gæði öndin fær, Jesús er vor bróðir kær, kristna trú eg það kæti.
14. Guð vor faðir, skjöldur og skjól,skaparinn allra kinda, þú sem gjörðir heimsins hjól, hafið sem loft og vinda, lætur skína líknar sól að lýsa heiminn blinda; bið eg fyr Jesú blíða náð, blessan þína og guðlegt ráð frá háska oss öllum hrinda.
15. Lifandi Guðs son, líknarbraut,læknirinn allra meina: Hlýðni þinnar heimurinn naut, hjálpina fékk hann beina, syndum öllum svipt er braut, sannlega má það greina. Gef þú oss þinn gæsku frið, græðarinn Jesús, þess eg bið, himna ljósið hreina.
16. Heyr þú eð góða hugarins traust,heilagi guðdóms andi, svo sálin verði í hrelling hraust, að hugga, það er þinn vandi; er þín byggðin efunarlaust í innsta hjartans landi: Gleð þú oss í allri neyð fyr Jesú Kristí pínu og deyð svo angrið aldrei grandi.
17. Þér fel eg á hendi, faðirinn sæll,fólkið og eigu mína; ótrúr heimur er ekki dæll með alla hvekki sína; af því krýp eg, aumur þræll, undir blessan þína. Láttu oss að lyktunum fá, lifandi Jesús, sæluna þá sem aldrei náir að dvína.
18. Þá sundur skilur þú sauði og kiðsjálfur á efsta dómi gefðu eg verði á hægri hlið, himnakóngurinn frómi, þó lítt hafi eg þar leitað við lífs í góðu tómi. Sæti Jesús, sigurinn þinn sé þá hlífðar skjöldurinn minn svo aldri eyðist sómi.
19. Heilagur andi, hjálpin góð,hrærðu tungu mína, því má kalla kristin þjóð kvæðið Hugbót sína; orðasnilld er ekki fróð, óðurinn skal því dvína. Gef þeim, Jesús, gleðinnar stund sem girnast þennan mærðar fund svo eyðist angur og pína.
20. Jesús nafni ann eg best,Jesús bið eg mín gæta, Jesús veit minn allan brest, Jesús trú eg hann bæta, Jesús hefur oss elskað mest því öngvan vill hann græta; þiggi Jesús þetta smíð, þér sé heiður árla og síð, herranum himna stræta. (Vísnabók Guðbrands 1612; útg. 2000, bls. 103–105) |