A 034 - Enn einn lofsöngur | BRAGI
Bragi, óðfræðivefur

Söfn

Íslenska
Íslenska

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

A 034 - Enn einn lofsöngur

Fyrsta ljóðlína:Ó, maður, hugsa hvörsu mjög
bls.xviijv--xix
Bragarháttur:Hymnalag
Viðm.ártal:≈ 1575
Flokkur:Sálmar

Skýringar

Sálmurinn er þýskur, eftir Jóhann Horn, „O Mench, betracht, wie dich dein Gott“ og er þýddur eftir frumtexta. Frumsálmurinn er 15 erindi en hér í Sálmabók Guðbrands 1589 er hann aðeins 11 erindi. Sálmurinn var síðan endurprentaður með smávægilegum orðalagsbreytingum í 4. erindi. (Sjá sb 1619, bl. 17–18; sb 1771, bl. 10–11; sb JÁ 1742, bls. 24–25; sb 1746, bls. 24–25; sb 1751, bls. 24–25 og Hgrb 1772, bls. 36–37. (Sjá PEÓl: Upptök, bls. 78).
Nótur fylgja sálminum í Sálmabók Guðbrands 1589.
Enn einn lofsöngur
Með það lag: Ofan af himnum [hér kom eg] etc.

1.
Ó, maður, hugsa hvörsu mjög
himneskur faðir elskaði þig;
sinn son af himnum sendi þér,
sem af hans hjarta fæddur er.
2.
Ofan til vor í eymdardal,
að Adams synd og stóra *fall
og misgjörðir hjá mannkyni
með sínum dauða borgaði.
3.
Hann leið strangasta harðlífi,
hóf það þegar í barndómi;
örfátækur um ævi var
öndu vorri til miskunnar.
4.
Hann var frómur og helgur mest,
heimur þó jafnan lék hann verst.
Fyrir ástverk sín og alla náð
af mönnum fékk hann styggð og háð.
5.
Svívirtu Krist og hans sannleiks orð,
sögðu hans tákn af djöfli gjörð.
Hjá landsdómara lýttu verst,
ljúgvitni á hann sögðu flest.
6.
Ó, maður, sjá þú soddan neyð
son Guðs fyrir þig auman leið:
Álygi, hatur, högg og spé,
harðan dauða á krossins tré.
7.
Þakka þú honum þetta allt,
þar með af hjarta biðja skalt,
tilverknaður sem vann hann hér
verði til sáluhjálpar þér.
8.
Ó, sæti herra, Jesú Krist,
er oss með dauða hefur leyst,
hjálp oss jafnan með hreinni trú,
hugsa það allt sem þoldir þú.
9.
Ást þín vor hjörtu upplýse
að í stétt þinni jafnan sé
fús þinn vilja að halda hér,
heilagliga svo líki þér.
10.
Svo við föður þinn sættir oss,
sárliga þoldir kvöl á kross.
Af dauða þínum, Kristi kær,
kvittun og fögnuð fengum vær.
11.
Herra, fyrir þinn helga deyð
hlíf sért þú oss í allri neyð,
að þér syngjum með englahirð
eilífar þakkir, lof og dýrð.

* 2.2 fall] svo. Ef till vill misritun fyrir fal.