A 106 - Bænasálmur til heilagrar þrenningar

Bænasálmur til heilagrar þrenningar
D. Mart. Luth.
[Nótur]

Guð, vor faðir, vert þú oss hjá
og við fordæmingu vara.
Leystu oss öllum löstum frá,
lát vel af heimi fara.
Mót djöfli sért vor hjálp og hlíf.
Halt oss við trúna fasta,
til þín láttu oss þyrsta,
þér af hug öllum treysta.
Á oss eign þína ætíð sjá,
og allar kristnar þjóðir
frá Satans svikum leiðir,
sönnum Guðs vopnum skrýðir.
Amen, amen. Það sé já,
samsyngjum allelújá.

Jesú Kriste, vert þú oss hjá,
við fordæmingu vara etc. etc.
[Leystu oss öllum löstum frá,
lát vel af heimi fara.
Mót djöfli sért vor hjálp og hlíf.
Halt oss við trúna fasta,
til þín láttu oss þyrsta,
þér af hug öllum treysta.
Á oss eign þína ætíð sjá,
og allar kristnar þjóðir
frá Satans svikum leiðir,
sönnum Guðs vopnum skrýðir.
Amen, amen. Það sé já,
samsyngjum allelújá.]

Heilagur andi, vert þú oss hjá,
við fordæmingu vara etc.
[Leystu oss öllum löstum frá,
lát vel af heimi fara.
Mót djöfli sért vor hjálp og hlíf.
Halt oss við trúna fasta,
til þín láttu oss þyrsta,
þér af hug öllum treysta.
Á oss eign þína ætíð sjá,
og allar kristnar þjóðir
frá Satans svikum leiðir,
sönnum Guðs vopnum skrýðir.
Amen, amen. Það sé já,
samsyngjum Allelújá.]

Ef vill, þá má og syngja í staðinn þessi eftirfylgjandi vers:

Jesú Kristi, Guðs kæri son,
kominn í manndóm skærum,
allt að leysa Adams kyn,
annars vér týndir værum.
Þú hékkst á kross til hjálpar oss
í himnavist að leiða.
Fyrir þinn dýrstan dauða
dróst oss úr sálarvoða.
Brauðið vort þú eini ert,
oss hvört faðirinn sendi.
Að andardauðann endir,
eilífan sannleik kenndir.
Jafnan lofum vér Jesúm þann,
á jörðu fæddi María mann.

Heilagi andi, að heiðri jafn
hæstum föður og syni.
Huggarans ber þú háleitt nafn,
sá harma vora lini.
Lausnarinn vor lofaði þann
til líknar aumum mönnum,
af Guði senda sönnum,
svik svo að forðast kynnum.
Og veittu oss náð, að gætum gáð
á Guðs sannleik að standa,
alls konar hræsni hrinda,
hrein Guðs orð vel að vanda.
Andi heilagi, oss sért hjá,
og segjum allelújá.