A 105 - Enn annað Gloria eftir þýskunni

Fyrirsögn: „Enn annað Gloria eftir þýskunni. D. Mart. Luth.“
Sálmurinn er ekki eftir Lúther eins og sagt er hér í Sálmabók 1589 heldur er hann upphaflega fornlatneskur lofsöngur sem síðan var saminn um af Nikulás Hovesch Decius „Allein Gott in der Höhe sei Ehr“, og hafði hann verið þýddur tvisvar áður á íslensku. Fyrstur hafði Marteinn Einarsson þýtt hann, „Heiðrum þig, guð, í hæstum stað“ og þá líklega eftir danskri þýðingu Arvids Petersön „Alleneste Gud i Himmerig“, sem hafði aukið inn í hann fjórða erindinu. Þá þýddi Gísli   MEIRA ↲

Fyrirsögn: „Enn annað Gloria eftir þýskunni. D. Mart. Luth.“
Sálmurinn er ekki eftir Lúther eins og sagt er hér í Sálmabók 1589 heldur er hann upphaflega fornlatneskur lofsöngur sem síðan var saminn um af Nikulás Hovesch Decius „Allein Gott in der Höhe sei Ehr“, og hafði hann verið þýddur tvisvar áður á íslensku. Fyrstur hafði Marteinn Einarsson þýtt hann, „Heiðrum þig, guð, í hæstum stað“ og þá líklega eftir danskri þýðingu Arvids Petersön „Alleneste Gud i Himmerig“, sem hafði aukið inn í hann fjórða erindinu. Þá þýddi Gísli Jónsson biskup hann einnig úr dönsku, „Alleinasti guð í himerí.“ Danska þýðingin var fimm erindi, einu erindi lengri en frumsálmur Hovesch. Hefur Guðbrandur tekið upp þýðingu Gísla sáralítið breytta í bók sína og er hann þar næst á undan þessari þýðingu í Sálmabók hans. Í þessari þýðingu er sálmurinn trúlega þýddur beint úr þýsku enda erindin aðeins fjögur. Hins vegar er óljóst hvers vegna hann hér er eignaður Lúther.
(Sjá PEÓl: Upptök sálma og sálmalaga í lútherskum sið á Íslandi, bls. 53, 58 og 107–108)   ↑ MINNA