A 31 - Um Krists upprisu

Sálmur þessi er frumortur af Lúther sem byggir á sálmi frá því um 1000, Victimae pascali laudes. Sálmur Lúthers, Christ lag in Todesbanden, birtist í Sálmabók 1524, og er sjö erindi. Í danskri þýðingu eru erindin tíu og hefur Marteinn biskup tekið þaðan síðasta erindi þýðingar sinnar en að öðru leyti fylgt Lúther. Í Sálmabók 1589 er sálmurinn í nýrri þýðingu, Guðs son í grimmu dauðans bönd (nr. 69). Fyrirsögn sálmsins þar er líka önnur: Kristur lá í dauðans böndum. Þannig var sálmurinn   MEIRA ↲

Sálmur þessi er frumortur af Lúther sem byggir á sálmi frá því um 1000, Victimae pascali laudes. Sálmur Lúthers, Christ lag in Todesbanden, birtist í Sálmabók 1524, og er sjö erindi. Í danskri þýðingu eru erindin tíu og hefur Marteinn biskup tekið þaðan síðasta erindi þýðingar sinnar en að öðru leyti fylgt Lúther. Í Sálmabók 1589 er sálmurinn í nýrri þýðingu, Guðs son í grimmu dauðans bönd (nr. 69). Fyrirsögn sálmsins þar er líka önnur: Kristur lá í dauðans böndum. Þannig var sálmurinn og í Graduale 1594 og hafa þá bæst við tvö erindi úr dönsku þýðingunni. Hann er þar ætlaður til söngs á annan í páskum og síðan í öllum messusöngsbókum út 18. öld og eins í öllum sálmabókum til 1801. Hann kemur inn að nýju í Sálmabók 1886 í þýðingu Helga lektors Hálfdánarsonar og er þá 5 erindi. Aftur er hann felldur niður úr Sálmabókinni 1945 en kemur á ný í Sálmabók 1972 í þremur erindum, Í dauðans böndum Drottinn lá. Í Sálmabók 2022 er hann nr. 139.