A 16 - Annar sálmur um vors Herra fæðing

Þetta er jólasálmur Lúthers, Gelobet seist du, Jesu Christ sem hann byggði á fornri leisu. Marteinn biskup Einarsson virðist hafa haft fyrir sér danska þýðingu sálmsins frá 1529. Í Sálmabók 1589 (nr. 16) er upphafslína sálmsins eins en þýðingin ólík að öðru leyti. Þannig var sálmurinn síðan í Graduale 1594 og sálmabókum og messusöngsbókum til loka 18. aldar. Sálmurinn var tekinn upp að nýju í Sálmabók 1871 í þýðingu Stefáns Thorarensen og hefur verið í sálmabókum síðan til þessa dags. Hann er nr. 57 í   MEIRA ↲

Þetta er jólasálmur Lúthers, Gelobet seist du, Jesu Christ sem hann byggði á fornri leisu. Marteinn biskup Einarsson virðist hafa haft fyrir sér danska þýðingu sálmsins frá 1529. Í Sálmabók 1589 (nr. 16) er upphafslína sálmsins eins en þýðingin ólík að öðru leyti. Þannig var sálmurinn síðan í Graduale 1594 og sálmabókum og messusöngsbókum til loka 18. aldar. Sálmurinn var tekinn upp að nýju í Sálmabók 1871 í þýðingu Stefáns Thorarensen og hefur verið í sálmabókum síðan til þessa dags. Hann er nr. 57 í Sálmabók 2022.

   Athyglivert er að bæði í Sálmakveri Marteinns og Sálmabók Guðbrands er vikið frá frumtextanum og dönsku þýðingunni í því að 1. versið er í 1. persónu fleirtölu, Heiðra skulum vér, en Lúther ávarpar Krist í 2. persónu: Gelobet seist du.