Guðlaug Kristrún Guðnadóttir 1879–1969

Guðlaug Kristrún Guðnadóttir var fædd 12. júní 1879 í Villinganesi í Tungusveit og þar ólst hún upp. Hún var dóttir hjónanna þar, Guðna Guðnasonar og Ingiríðar Eiríksdóttur. Maður Guðlaugar var Ólafur Jóhannsson  frá Keldum í Sléttuhlíð og bjuggu þau þar um tíma og síðan á Gilsbakka í Austurdal og á Hryggjum í Staðarfjöllum 1904–1906 er þau fluttu til Sauðárkróks. Þar stundaði Ólafur sjóinn á sumrin en barnakennslu á vetrum. Þau hjón áttu einn son,   MEIRA ↲

Guðlaug Kristrún Guðnadóttir var fædd 12. júní 1879 í Villinganesi í Tungusveit og þar ólst hún upp. Hún var dóttir hjónanna þar, Guðna Guðnasonar og Ingiríðar Eiríksdóttur. Maður Guðlaugar var Ólafur Jóhannsson  frá Keldum í Sléttuhlíð og bjuggu þau þar um tíma og síðan á Gilsbakka í Austurdal og á Hryggjum í Staðarfjöllum 1904–1906 er þau fluttu til Sauðárkróks. Þar stundaði Ólafur sjóinn á sumrin en barnakennslu á vetrum. Þau hjón áttu einn son, Helga. 
   Haustið 1931 flutti þau hjón til Akureyrar að Sólvangi er Helgi sonur þeirra gerðist kennari þar. Guðlaug kenndi sig eftir það jafnan við Sólvang. Hún missti mann sinn árið 1941 og flutti hún þá með Helga og konu hans, Valýju Ágústsdóttur, til Reykjavíkur.
   Guðlaug fékkst nær ekkert við skáldskap á sínum yngri árum en þegar henni dapraðist svo sjón að hún gat ekki lesið fór hún að yrkja og Þegar hún varð áttræð, 12. júní 1959, gáfu sonarbörnin skáldskap ömmu sinnar út í kveri sem nefndist Veikir þræðir. Það var svo gefið út aftur árið eftir og í þriðja sinn á níræðisafmæli Guðlaugar 12. júní 1879 en hún dó svo 25. ágúst þá um haustið.    ↑ MINNA