Ólafur Jóhann Sigurðsson* 1918–1988

Rithöfundur og ljóðskáld, ólst upp með foreldrum og systkinum í Grafningi, en fór ungur til Reykjavíkur, ráðinn í að gerast rithöfundur. Fyrsta bók Ólafs Jóhanns, barnasögurnar Við Álftavatn kom út þegar hann var sextán ára. Ólafur Jóhann varð mikilvirkur rithöfundur og ljóðskáld, skorti ekki einurð né eljusemi en hógværð var þó eitt af einkennum skáldsins. Hún birtist m. a. í nafngiftum bóka hans: Nokkrar vísur um veðrið og fleira, Kvistir í altarinu, Teningar í tafli og Speglar og fiðrildi. Skáldsögur samdi ÓJS og var talinn til sagnaskálda en ljóðagerð hans óx að myndvísi, dýpt og spekt er leið á ævina og aflaði honum viðurkenninga og heiðurs.