Vigfús Jónsson prestur í Stöð í Stöðvarfirði 1711–1761

Vigfús var fæddur á Hofi í Öræfum, sonur Jóns Vigfússonar á Hofi og konu hans, Þórdísar Jónsdóttur. Vigfús varð stúdent frá Skálholtsskóla 1728. Hann vígðist aðstoðarprestur séra Guðmundar Högnasonar að Hofi í Álftafirði haustið 1734 og varð síðan prestur í Stöð í júli 1737. Kona Vigfúsar var Guðrún Jónsdóttir, ekkja eftir séra Högna Guðmundsson prest í Stöð. Hún var nokkru eldri en Vigfús og segir Jón Eiríksson konferenzráð, systursonur Vigfúsar, í formála fyrir Barnaljóðum að hann hafi „óttast, vegna mikils mismunar á aldri   MEIRA ↲

Vigfús var fæddur á Hofi í Öræfum, sonur Jóns Vigfússonar á Hofi og konu hans, Þórdísar Jónsdóttur. Vigfús varð stúdent frá Skálholtsskóla 1728. Hann vígðist aðstoðarprestur séra Guðmundar Högnasonar að Hofi í Álftafirði haustið 1734 og varð síðan prestur í Stöð í júli 1737. Kona Vigfúsar var Guðrún Jónsdóttir, ekkja eftir séra Högna Guðmundsson prest í Stöð. Hún var nokkru eldri en Vigfús og segir Jón Eiríksson konferenzráð, systursonur Vigfúsar, í formála fyrir Barnaljóðum að hann hafi „óttast, vegna mikils mismunar á aldri þeirra hjóna, að honum eigi mundi barna auðið verða.“ Þau eignuðust þó þrjár dætur og fæddist hin fyrsta, Guðríður, árið 1739 og orti þá prestur Barnaljóðin, eins konar heilræðavísur til hennar. Jón Eiríksson gaf síðan þessi ljóð móðurbróður síns út í Kaupmannahöfn 1780. Önnur útgáfa kom einnig út í Kaupmannahöfn 1838. Séra Vigfús samdi einnig Hugvekjur út af öllum Passíusálmum Hallgríms Péturssonar og voru þær gefnar út í Kaupmannahöfn 1833. (Heimildir: Íslenzkar Æviskrár V, bls. 54, og formáli Jóns Eiríkssonar að Barnaljóðum 1780).   ↑ MINNA