Dante Alighieri 1265–1321

Dante var fæddur og uppalinn í Flórens og þar bjó hann fyrri hluta ævi sinnar og tók virkan þátt í pólitískum átökum í borginni. Hann hraktist að lokum í útlegð frá Flórens vegna þessara átaka og eyddi síðari hluta ævinnar fjarri ættborg sinni. Á seinni árum sínum bjó hann í Verona og síðast í Ravenna þar sem hann samdi Gleðileikinn guðdómlega, eitthvert frægasta verk ítalskra bókmennta.
   Í æsku hreifst Dante mjög af Beatrice Portinari, sem var ári yngri en skáldið, en hana sá hann fyrst níu ára gamall. Leiðir þeirra lágu þó ekki saman að öðru leyti en því að hún varð dís ljóða hans og í Gleðileiknum guðdómlega leiðir hún skáldið um Paradís. Beatrice dó árið 1290, þá gift kona.