Kolbeinn Grímsson Jöklaraskáld 1600–1683

Lítið er vitað um ævi Kolbeins og óvíst um fæðingarár hans og dánarár. Ætla má þó að hann sé fæddur um 1600 þar sem hann getur þess í Grettisrímum sínum, sem ortar eru 1658, að hann sé þá „nær sextugs aldri“ og í Nokkrir sálmar eftir Kolbein 1682 á Hólum er þess ekki getið að hann sé dáinn. – Vitað er að Kolbeinn bjó um tíma á Dagverðará undir Jökli. Ýmsar þjóðsögur eru til af Kolbeini og var hann talinn kraftaskáld. Þekktust er vafalaust þjóðsagan af því er hann kvaðst á við Fjandann á brún Þúfubjargs og   MEIRA ↲

Lítið er vitað um ævi Kolbeins og óvíst um fæðingarár hans og dánarár. Ætla má þó að hann sé fæddur um 1600 þar sem hann getur þess í Grettisrímum sínum, sem ortar eru 1658, að hann sé þá „nær sextugs aldri“ og í Nokkrir sálmar eftir Kolbein 1682 á Hólum er þess ekki getið að hann sé dáinn. – Vitað er að Kolbeinn bjó um tíma á Dagverðará undir Jökli. Ýmsar þjóðsögur eru til af Kolbeini og var hann talinn kraftaskáld. Þekktust er vafalaust þjóðsagan af því er hann kvaðst á við Fjandann á brún Þúfubjargs og bar hærra hlut. Mikill kveðskapur er varðveittur eftir Kolbein í handritum. Þar má nefna: Skilnaðarskrá (við satan); Píslarminningu, Dýrðardikt og kvæði sem nefnist Víðförull, landfræðilegt yfirlit til fróðleiks alþýðu manna. Í handritum eru honum einnig eignaðar Rímur af Tíodel riddara. Eru þær sex að tölu (sjá: Lbs 989 4to, Lbs 990 4to og AM 616a 4to).
Nokkrir sálmar eftir Kolbein voru prentaðir á Hólum 1682 og Rímur af Sveini Múkssyni í Ritum Rímnafélagsins I. Reykjavík 1948.
(Heimildir: Finnur Sigmundsson: Rímnatal I–II, Reykjavík 1966, og Rímur af Sveini Múkssyni í Ritum Rímnafélagsins I. Björn K. Þórólfsson bjó til prentunar. Reykjavík 1948).   ↑ MINNA