Magnús Jónsson prúði sýslumaður (f. 1531 eða 1532 – d. um 1591) 1531–1591

Magnús var sonur Jóns Magnússonar lögréttumanns á Svalbarði og fyrri konu hans, Ragnheiðar Pétursdóttur (Ragnheiðar á rauðum sokkum). Magnús mun ungur hafa stundað nám í Þýskalandi. Hann var um tíma lögsagnari í Þingeyjarþingi í umboði Páls bróður síns (Staðarhóls Páls) og tók við því embætti að fullu 1556 og hélt því til 1563. Þá flutti hann vestur að Ögri og varð lögsagnari Eggerts Hannessonar í Ísafjarðarsýslu. Árið 1580 flutti Magnús að Bæ á Rauðasandi og hafði sýsluvöld í Barðastrandarsýslu til æviloka. Magnús var   MEIRA ↲

Magnús var sonur Jóns Magnússonar lögréttumanns á Svalbarði og fyrri konu hans, Ragnheiðar Pétursdóttur (Ragnheiðar á rauðum sokkum). Magnús mun ungur hafa stundað nám í Þýskalandi. Hann var um tíma lögsagnari í Þingeyjarþingi í umboði Páls bróður síns (Staðarhóls Páls) og tók við því embætti að fullu 1556 og hélt því til 1563. Þá flutti hann vestur að Ögri og varð lögsagnari Eggerts Hannessonar í Ísafjarðarsýslu. Árið 1580 flutti Magnús að Bæ á Rauðasandi og hafði sýsluvöld í Barðastrandarsýslu til æviloka. Magnús var tvíkvæntur. Fyrri kona hans var Elín Jónsdóttir frá Dunhaga (d. 1564). Þau áttu ekki börn sem upp komust. Síðari kona hans var Ragnheiður, dóttir Eggerts Hannessonar lögmanns. Þau hjón áttu ellefu börn sem upp komust og voru meðal þeirra Ari sýslumaður í Ögri og Björn sýslumaður á Bæ á Rauðasandi. Magnús var mikill fyrir sér, gáfumaður og skáld gott. Til er eftir hann orðskviða- eða málsháttasafn og útlegging hans úr þýsku á Dialectica en á þýsku hafði því riti verið snúið úr latínu. Þá orti Magnús þrettán fyrstu rímurnar af Pontus rímum. (Sjá einkum: Pontus rímur. Rit Rímnafélagsins X. Reykjavík 1961).   ↑ MINNA