Jón Magnússon í Laufási 1601–1675

Foreldrar Jóns voru séra Magnús Eiríksson á Auðkúlu og fyrri kona hans, Steinvör Pétursdóttir. Fjögra ára gamall fór Magnús í fóstur til móðursystur sinnar, Agnesar Eiríksdóttur, og manns hennar, séra Magnúsar Ólafssonar skálds í  Laufási og hjá þeim ólst hann upp. Jón varð aðstoðarprestur fóstra síns í Laufási 1622 og síðar prestur í Möðruvallaprestakalli 1628–1636. Þá fékk hann Laufás og þjónaði þar til æviloka. Jón þótti með bestu skáldum á sinni tíð og liggur mikill kveðskapur eftir hann bæði prentaður og óprentaður. Eftir hann eru varðveittir átta rímnaflokkar, flestir út af frásögnum úr Biblíunni og hafa einungis Bíleamsrímur verið prentaðar af þeim. (Sjá einkum: PEÓl: Íslenzkar æviskrár og Íslenzkt skáldatal a-l).