Birna Guðrún Friðriksdóttir 1924–2011

Birna Guðrún Friðriksdóttir fæddist í Brekku 10. nóv. 1924, en ólst síðan upp á Hverhóli í Skíðadal með foreldrum sínum Svanfríði Gunnlaugsdóttur og Friðriki Jónssyni ásamt 6 systkinum.Átti þar heima fram yfir tvítugsaldur, en var þó mikið utan heimilis í vistum og vinnumennsku.
1949 giftist Birna Halldóri Hallgrímssyni á Melum í Svarfaðardal og eignuðust þau 6 börn.
Bjuggu í hartnær þrjá áratugi á Melum, þar til þau hættu búskap og settust að á Dalvík í nokkur ár en færðu sig um set til Akureyrar og bjuggu þar um   MEIRA ↲

Birna Guðrún Friðriksdóttir fæddist í Brekku 10. nóv. 1924, en ólst síðan upp á Hverhóli í Skíðadal með foreldrum sínum Svanfríði Gunnlaugsdóttur og Friðriki Jónssyni ásamt 6 systkinum.Átti þar heima fram yfir tvítugsaldur, en var þó mikið utan heimilis í vistum og vinnumennsku.
1949 giftist Birna Halldóri Hallgrímssyni á Melum í Svarfaðardal og eignuðust þau 6 börn.
Bjuggu í hartnær þrjá áratugi á Melum, þar til þau hættu búskap og settust að á Dalvík í nokkur ár en færðu sig um set til Akureyrar og bjuggu þar um árabil.
Halldór lést 1986, en Birna hélt heimili með syni sínum til 2006 þar til hún fór aftur á heimaslóðir. Síðustu æviárin dvaldi Birna á Dalbæ, heimili eldri borgara á Dalvík, en hún andaðist 2011.
Barnung var Birna farin að yrkja og hafði alla tíð unun af ljóðum og ljóðagerð. Þrátt fyrir miklar annir við búskap, barnauppeldi og heimilisstörf sáust sjaldan þreytumerki á Birnu, heldur gekk hún syngjandi til verka sinna. Hafði mikla og fallega söngrödd og gerði mikið af lögum við eigin ljóð og annarra, aðallega þó til heimabrúks.
Ljóðabókin Grýtt var gönguleiðin eftir Birnu kom út 1995 og er skáldsaga í bundnu máli um ævi förukonu. Inniheldur yfir eitt þúsund ferhendur, mismunandi að formi.
Birna var afkastamikil í ljóðagerð og til er örugglega efni í aðra bók eftir hana og meira til!
   ↑ MINNA