Hringflétta (villanella)

Lýsing: Ragnar Böðvarsson kynnir háttinn í 10. hefti Sónar með þessum orðum:

Í bók sinni Sprek af reka birtir Þorsteinn Gylfason þýðingu á ljóði eftir Dylan Thomas undir sérstæðum, þríhendum bragarhætti, og í annarri bók Þorsteins, Söngfugl að sunnan, er annað ljóð undir sama hætti eftir James Joyce. Þar upplýsir Þorsteinn að hátturinn sé ítalskur að uppruna og heiti villanella og Þorsteinn nefnir hann hringlilju á okkar máli. Í vísunum hér á eftir er fylgt sömu reglu og í hringlilju varðandi lengd ljóðlína og röð á endarími, en endurtekningum hagað nokkuð á annan veg og líklega rétt að kalla háttinn öðru nafni.Hjá Ragnari er endurtekningasniðið með þessum hætti: a1-b-a2 : a3-b-a1 : a2-b-a3