SöfnÍslenskaÍslenska |
Flokkar
Allt (113)
DillanFyrsta ljóðlína:Einn dag varð ég dilla
Höfundur:Gísli Halldórsson, Króki
Heimild:Handrit höfundar.. Viðm.ártal:≈ 1955–1965
Tímasetning:1960
Skýringar
Dilla=kúaklessa
Einn dag varð ég dilla
svo dúnmjúk á þúfu. Mjög lystfeng og lífsglöð þar lá ég á grúfu. Og flugurnar flugu í fang mér svo glaðar og undir mér ormur í allsnægtum baðar Og dag eftir dag var hér dynjandi kæti og flugunum fannst ég hreint fyrirtaks æti. Þá gisti sól geiminn með gullhlað um enni og kringlótta kjamma, -ég keimlík var henni. Ég lifði og lék mér, -sá leikur fékk enda. Þá hæst glymja hlátrar er hættan að lenda. Að enduðum ágúst mig ófrjálsri hendi tók kerling sem kom hér, sú kerling mér brenndi Og flugurnar flugu sem fis út í geiminn, í mórauða moldu skreið maðkurinn gleymin. En þúfan mín þekka í þelanum sefur. Hún kringlóttan kalblett á kollinum hefur. Athugagreinar |