Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Af jólaketti

Fyrsta ljóðlína:Hann svartur er með ansi beittar klær
Viðm.ártal:≈ 2025
Tímasetning:2016
Flokkur:Jólaljóð
Hann svartur er með ansi beittar klær
og angrar barn sem rýrar gjafir fær,
segja þeir sem selja vörur þær
sem sífellt kosta meira en í gær.

Í búðum öllum bent er þetta á:
Ef börnin ekki dýrar gjafir fá
þá muni að þeim læðast loppa grá
og litlu börnin éta alveg hrá.

Ég enga von við yndis gjafir bind.
Ég ætla að flýja jólin líkt og hind.
Ég held að vart sé hörmulegri synd
en hanga niðrí Kringlu og Smáralind.

Því hef ég sett mér göfugt mark og mið
í málefni sem ekki þolir bið:
Um jólin ætla ég að styðja við
Jólakattavinafélagið.