Simla

Blóð í brúnum mosa –
Bráðum kemur vorið,
hlýjum, góðum höndum
Hlíðarfjallið strýkur.
Brumar birkiskógur,
blánar vorsins ótta.
Hlánar harður þeli.
– Hreindýrskýrnar bera.

Blóð í brúnum mosa –
Að baki langur vetur.
Svellalög og sultur,
svartnætti og hríðar.
Hér skal nótt sem nemur,
nýju lífi fagnað.
Það í þraut skal alið
– þrjóta móðurkraftar.

Blóð í brúnum mosa –
Birtir senn af degi.
Liggur lítill kálfur
lífvana í mónum.
Með svo mjúka þófa
mórauð tófa læðist.
Blóð í brúnum mosa.
– Brostin móðuraugu.