Brynjólfur Einarsson 1903–1996

Brynjólfur Einarsson fæddist á Brekku í Lóni 7. júní 1903, sonur hjónanna Guðnýjar Benediktsdóttur og Einars Pálssonar. Hann ólst upp á Vopnafirði og á Eskifirði, þar sem hann átti heima til ársins 1933 en þá flutti hann til Vestmannaeyja ásamt konu sinni, Hrefnu Hálfdánardóttur, og tveimur sonum þeirra og bjó þar síðan. Brynjólfur sótti sjó á yngri árum en lærði skipasmíði og vann við hana lengst af. Hann orti mikið af lausavísum, oft um atburði hversdagsins og flestar glettnar.