Hvör græðir hjartans kvíða

Vísan í Ljóðmælum er prentuð eftir ‘Andlegir sálmar og kvæði’ útg. á Hólum 1765, bls. 169–170. Hér er einungis vikið frá útgáfu Ljóðmæla að því leyti að spurnarfornafnið ‘hver’ er ritað ‘hvör’ en sá virðist hafa verið framburður Hallgríms ef marka má eiginhandarrit hans að Passíusálmunum. — Vísuna er einnig að finna í Lbs 1245 8vo, bls. 17, og fyrra hluta hennar í ÍB 572 8vo, bls. 129. Vísan er eignuð Hallgrími í Lbs 1245 8vo en engum í ÍB 572 8vo.

Fyrirsögn: Vísa dróttkveðin – Snorri kallar þennan bragarhátt ‘greppaminni’ og vísar það heiti fremur til efnis en forms.