Kýrrassa tók eg trú

Tildrög eru sögð þessi: „Eitt sinn var trúboði nokkur íslenzkur á ferð á Mountain, og segir sagan, að það hafi verið Jakob Mormónapostuli, er svo var nefndur. Kom hann á bæinn, þar sem K. N. var vinnumaður, og var vísað til hans út í fjós, en hann var þá einmitt að moka flórinn. Flutti trúboðinn honum boðskap sinn af mikilli andagift, en K. N. hélt þegjandi áfram mokstrinum. Loks krafðist trúboðinn þess, að K. N. gerði honum grein fyrir trú sinni, fyrst hann daufheyrðist þannig við kenningu hans. Mælti K. N. þá fram vísu þessa af mikilli alvöru.“

Undir vísunni stendur í heimild: „Annað vísuorðið er einnig þannig í sumum uppskriftum: „Trú þeirri held eg nú“, og til munu vera fleiri útgáfur af því. Einnig mun það rétt til getið hjá dr. Sigurði Nordal, að K. N. hafi haft í huga nafnið á bæklingi einum, sem út kom á Akureyri 1859 og hét „Leiðarvísir til að þekkja einkenni á mjólkurkúm“, en gekk í daglegu tali undir nafninu „Kýrrassabókin“ vegna myndanna sem í honum voru.“