Það á að tala mín tungan snjöll

Vísan er skrifuð á neðri spássíu handritsins AM 128 4to, bl. 86r. Í handritinu eru meðal annars Jónsbók, Réttarbætur og Kristniréttur Árna biskups. Handritið er líklega að mestu leyti skrifað á seinni hluta 15. aldar. Líklegt er þó að sá hluti sem vísan er skráð á sé frá því um 1544 ef marka má ártal á blaði 85v. Höndin á vísunni er lík hönd meginmáls á síðunni.