Mín ei þykir menntin slyng

Björn samdi skýringar við Höfuðlausn Egils Skallagrímssonar að beiðni Þorláks biskups Skúlasonar. Formáli að þeim ritlingi Björns er dagsettur 13. mars 1634. Hefur Birni þótt sér sækjast skýringarstarfið seint en vísuna hefur hann skrifað í ritling þann sem hann færði Þorláki.

Vísan er varðveitt í DG 41 4to í Uppsölum og þar mun hún rituð eftir handriti Björns sjálfs sem nú er glatað. Til er eiginhandarrit Björns að Höfuðlausnarskýringum hans (AM 552R) sem síðar er skrifað en hið glataða en þar hefur Björn sleppt vísunni. (Sjá Jón Helgason: Höfuðlausnarhjal. Einarsbók – Afmæliskveðja til Einars Ólafs Sveinssonar 12. desember 1969, bls. 164)