Vísa um báta sem gerðir voru út frá Hornafirði

Vísuna skráði Kristján Eiríksson veturinn 2012 eftir Hilmari Bjarnasyni, f. 1916, fyrrum skipstjóra á Björgu frá Eskifirði. Sjá einnig Arnþór Gunnarsson: Saga Hafnar í Hornafirði. Fyrra bindi, bls. 242.

Vísan er samhljóða í örlítilli frásögn í Múlaþingi, 3. hefti 1968, bls 14, eftir Valgeir Vilhjálmsson kennara á Djúpavogi. Þar segir um bátana: „Bátarnir voru frá þessum stöðum: Friðþjófur, Fram, Freyja, Svanur, Bergþóra, Mávurinn og Heim, allir frá Eskifirði, Skiptingur, Skúli, Sleipnir og Hafalda frá Norðfirði, Baldur og Þorskurinn, sem var mjög hæggengur og varla sjófær, frá Hornafirði og Gandur(inn) frá Mjóafirði.“ Arnþór Gunnarsson tekur þessa frásögn að mestu upp í Sögu Hafnar í Hornafirði. Fyrra bindi, bls. 242.

Heim fórst 30. nóvember 1923 með fjórum mönnum. Gandurinn fórst 1943 og var talinn hafa lent á tundurdufli. (Sögn Hilmars Bjarnasonar).