Einar Bragi 1921–2005

Einar Bragi Sigurðsson fæddist á Eskifirði 7. apríl 1921. 
Hann varð stúdent frá Menntaskólanum á Akureyri 1944. Vorið 1945 kvæntist hann Kristínu Jónsdóttur frá Ærlækjarseli í Öxarfirði. Einar Bragi
 stundaði um tíma háskólanám í Lundi og Stokkhólmi og kenndi lengi við gagnfræðaskóla. Hann stofnaði tímaritið Birting 1953 og gaf það út í tvö ár. Hann var síðan ábyrgðarmaður Birtings yngra og í ritstjórn hans ásamt Jóni Óskari, Thor Vilhjálmssyni og Herði Ágústssyni.   MEIRA ↲

Einar Bragi Sigurðsson fæddist á Eskifirði 7. apríl 1921. 
Hann varð stúdent frá Menntaskólanum á Akureyri 1944. Vorið 1945 kvæntist hann Kristínu Jónsdóttur frá Ærlækjarseli í Öxarfirði. Einar Bragi
 stundaði um tíma háskólanám í Lundi og Stokkhólmi og kenndi lengi við gagnfræðaskóla. Hann stofnaði tímaritið Birting 1953 og gaf það út í tvö ár. Hann var síðan ábyrgðarmaður Birtings yngra og í ritstjórn hans ásamt Jóni Óskari, Thor Vilhjálmssyni og Herði Ágústssyni. Birtingur boðaði ferska strauma í  bókmenntum og listum og hafði mikil áhrif á viðhorð manna til ljóðlistar. Einar Bragi gaf út margar frumsamdar ljóðabækur og kom sú fyrsta, Eitt kvöld í júní, út 1952, og sú síðasta, Ljós í augum dagsins (úrval), árið 2000.
   Eftir Einar Braga liggja fjöldi ljóðaþýðinga. Má þar til dæmis nefna þýðingar eftir grænlensk nútímaskáld og sjö bækur með þýðingum úr samískum bókmenntum og er þar á meðal Kaldrifjaður félagi eftir Rose-Marie Huuva 2002.
   Þá skrifaði hann Eskju, sögu , sögu heimbyggðar sinnar í fimm bindum. Einar Bragi dó í Reykjavík 26. mars 2005.
 (Heimild: Són tímarit um óðfræði, 3. hefti. Reykjavík 2005, bls. 4-6).

   ↑ MINNA