Ólafur Halldórsson 1920–2013

Ólafur fæddist að Króki í Gaulverjabæjarhreppi 18. apríl 1920. Foreldrar Ólafs voru Halldór Bjarnason bóndi í Króki og kona hans, Lilja Ólafsdóttir. Ólafur varð stúdent frá Menntaskólanum á Akureyri 1946 og lauk cand. mag. prófi frá Háskóla Íslands í íslenskum fræðum 1952. Hann fluttist síðan með fjöldkyldu sinni til Kaupmannahafnar þar sem hann vann á Árnastofnun og starfaði einnig sem lektor við Hafnarháskóla. Árið 1963 flutti Ólafur heim með fjölskyldu sína og hóf störf hjá Handritastofnun Íslands. Stofnunin flutti árið 1969 á Suðurgötu og var mafni hennar þá breytt í Stofnun Árna Magnússonar og vann hann þar til starfsloka. Hann hafði eftir það starfsaðstöðu á stofnuninni og mætti þar flesta daga til vinnu fram yfir nírætt.