Kvæði eftir Sappho

Sá gumi líkur guðum er,
gullfögur augun þín er sér,
og málið sætt af munni þér
og mildan hlát’rinn nemur;
því hjarta mitt á flótta fer,
felmtrað í brjósti lyftir sér,
þá eg þig lít, og málið mér
af munni varla kemur.

Um hörund leikur loginn tær,
lömuð er í mér tungan mær,
grand ekki sjá mín augun skær,
fyrir eyrum hljómur sýður;
um kroppinn svita köldum slær,
af kvíða-hrolli skinnið rær,
fölna’g sem grasið, fjör og blær
af feigum nösum líður.