Rökkurdís

Vektu mig með kossi.
Farðu varlega með hjartað í þér.
Þiggðu
mótsagnirnar, umfaðmaðu þær.


-8-


Ástin er ekki að öðlast skilning.
Galdrar eru einfaldir. Það þarf
ekkert að fá botn í náttúruna.
Það þarf bara að skynja hana.

Hjartað sér dýpra en augun.


-8-


Vektu mig með kossi.

Vertu sólin sem þerrar döggina af mér.
Vertu sólin sem þerrar döggina af mér.
Vertu sólin sem þerrar döggina af mér.

Vertu konan, vatnagyðja sem dvelur með mér innra.

Rökkurdís.

Við göngum sem leið liggur út með sjónum. Hvílum
okkur í kvöldgolunni. Kyssumst undir rauðum himni.

Tímamynd.

Frelsi er að vitja framtíðarinnar. Vektu mig.