Bragi, óðfræðivefur
SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3127)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
Viðm.ártal:≈ 1400–1425
Flokkur:Ástarljóð
Skýringar
Í kvæðasafni Bókmentafjelagsins er kvæðið sagt kveðið af Lofti bókna Guttormssyni er sat á Möðruvöllum og sýnt sem fyrsti hluti Háttalykils hans hins meiri. Þó er ekki hægt að halda því fram með vissu að Loftur sé höfundurinn.
Fyrirsögn kvæðisins í 166ab er: Þriðja háttatalskvæði; þar sem það kemur á eftir tveim háttalyklum öðrum. Haukur Þorgeirsson og Kristján Eiríksson bjuggu til skjábirtingar. Bjarki Karlsson braggreindi. Hafa ber í huga að tvíkvætt orð með stutt atkvæði eftir fornri hljóðdvöl hefur sama vægi og einkvætt og getur því staðið í hnepptum braglið. Sama á við um orð sem síðar fengu innskotshljóðið u á undan r í endingu. (ástarkvæði frá miðöld)
1. Flestu *drepur, falds rist,fríða áttag lokars hlíð bjarta fyrir baugs virt bjóða, ef mér gæfist hljóð. Durnis býð eg hlaðs *hörn hringa líta á minn bing, mærð er sú mjög stirð, mínu yndi fegurð þín.
2. Flestu drepur, falds rist,forðum leit eg menskorð, mætta eg, en hrygð hætt hjartað kvaldi þegar snart, snáka til brúar bríkr, bjarta kvaldi dægr mart rennara í minn munn, mínu yndi fegurð þín.
3. Flestu drepur, falds rist,foldar linda vita strind *reyna þótti vórt vein valla, en minn tregi svall, handar varð sú loga lind látin í kær mát, sárt leika mein mik, mínu yndi fegurð þín.
4. Flestu drepur, falds rist,fljóðið maktar ættgóð, list mörg og leynd ást, lund fríð, hugur blíðr, brún fögur, björt kinn, brár hvítar, gult hár, enni og mjúkur munnr, mínu yndi fegruð þín.
5. Flestu drepur, falds rist,fótur smár, en hugur spár, *hryggur mjúkr, hæg brík, hönd fögur, gleðivönd, vöxtur fríðr, væn, rjóð, vitur, spök og skírr litr, mál dýrt og mikið skart, mínu yndi fegurð þín.
6. Flestu drepur, falds rist,frægt nafn og skap hægt, augu skær, hvít hlýr, hrein verk, lin kverk, baugaör, björt, hög betr en eg kveðið get, víst er hennar makt mest, mínu yndi fegurð þín.
7. Flestu drepur, falds rist,fríða vil eg mér tíð dæmi taka alla um ýta þá, er tregi slítr, eydd hafa stór stríð, styrr og lá þó hitt fyrr, margur um muna torg, mínu yndi fegurð þín.
8. Flestu drepur, falds rist,fyrst var yfrið gleði lystr Dávíð með dýr fljóð, dróttinn fekk það gram sótt, enginn reyndi jafnþung, *álma skóða meginbjóðr mein fyrir moturs rán, mínu yndi fegurð þín.
9. Flestu drepur, falds rist,fárin kvelja mig sár, sinna vildi Salomon sætan voldug því mæt, furða eg ei þó hryggð hörð hjartað kvelji nú snart *mjök fyrir mens brík, mínu yndi fegurð þín.
10. Flestu drepur, falds rist,frá eg að hún Dalilá af svinnum hún seims runn sveik í burtu knáleik, hodda varð því mjög mæddr meiður um hugar leið mest fyrir mens rist, mínu yndi fegurð þín.
11. Flestu drepur, falds rist,fleins *þundur göfugt sprund missa varð Meneláss marblakka hugrakkr, dauða fékk drós *þjóð dýrri, en jöfur skýrr milda *sótti moturs fold, mínu yndi fegurð þín.
12. Flestu drepur, falds rist,framan sótti Tristram sútir um svefns fit, svanninn vakti trega þann, nauðir þoldi baugs bjóðr blíður og helstríð, dauðann þoldi málms meiðr, mínu yndi fegurð þín.
13. Flestu drepur, falds rist,Falvinn þreyði jöfur svinnr dauða, en drós rjóð dýrum sýndist baugs týr, þrautum vafður þrjá vetr þundr horfði á göfugt sprund móins foldar mjög gildr, mínu yndi fegurð þín.
14. Flestu drepur, falds rist,fríða misti gulls hlíð Hringur, en hrygð ströng hjálma píndi sárt álm, boga lesti Brynveig Baldri unni um sinn aldr af mestum mein-þjóst, mínu yndi fegurð þín.
15. Flestu drepur, falds rist,frægstum unni mjaðar gunn Sölla, en seims þöll sorgir *kveikti hugar borg, rekkr fyrir sprund sprakk, spenna þrautir mig enn heldur í muna mold, mínu yndi fegurð þín.
16. Flestu drepur, falds rist,fast bundu Remund haukar fyrir baugs brík brúnfagra um hugar tún, unaðs gjörða eldr þann áðr en fyndi gulls láð, *reika kvelja mein mik, mínu yndi fegurð þín.
17. Flestu drepur, falds rist,forðum spennti Ívent nauðir í náms búð, næsta var sá tregi stæstr, brodda var að bana leiddr bjóðr fyrir göfugt fljóð, meira sækir mig fár, mínu yndi fegurð þín.
18. Flestu drepur, falds ristfurða eg ei, þótt Sigurðr hlyti af hörs fit hrygðir í gleði byggð, gretti vann geirs brjótr gildan, en Brynhildr þreyði eptir málms meið, mínu yndi fegurð þín.
19. Flestu drepur, falds rist,fátt gleður mig, brátt ef mæta fróns fit fáins má eg ei sjá, handar man eg röðuls rind, rammar ganga spár fram milli okkar, menþöll, mínu yndi fegurð þín.
20. Flestu drepur, falds rist,*firna þungar ber eg ungr þýða fyrir þorns láð þrautir í hugarlaut, mitt fæ eg eigi böl bætt, blíðust nema gulls hlíð mest fái mein leyst, mínu yndi fegurð þín.
21. Flestu drepur, falds rist,fjarðar um trega garð glóða hefir björk blíð blandað mér unaðs grand, handa meðan *lifir lundr linna jarðar mjög stinnr mjallar skal eg muna þöll, mínu yndi fegurð þín.
22. Flestu drepur, falds rist,finn eg að mjög stinnr mærðar kvelr mest jörð móður, er eg því hljóðr, jafnan leikr göfug gefn glóðar mér um munslóð mundar, þó eg sé mjög píndr, mínu yndi fegurð þín.
23. Flestu drepur, falds rist,fríðust mér aldri líðr hildur úr hugar fold hringa meðan eg eigi spring, öldu þolir *báls baldr brennandi sorg enn mundar fyrir mjallar strind, mínu yndi fegurð þín.
24. Flestu drepur, falds rist,fræga þrey eg hvert dægr brúði, þó stórt stríð standi mér um sefa land; heita skal Harmsbót, hríðar, sjá bragsmíð, elda tregar oss mörk mild, mínu yndi fegurð þín.
25. Flestu drepur, falds rist,farma því mig vekr harmr, granda mér gulls hrund, goða þengils, ekki lengr; orða særist ár stirð, unnar fyrir loga gunn mæða tekr mig stríð, í mínu yndi fegurð þín. Athugagreinar
1.1 Flestu] < ;Flesta; í öllum handritum. drepur] < ;gleður; í öllum handritum en ;drepur; í öllum seinni vísum kvæðisins og því breytt hér.
1.5 hörn] < ;hrönn; öll handrit. 3.3 reyna] öll handrit nema 166a sem hefur ;reini;. 4.4 hugur blíðr] < hugarblíður 166a [Tilgáta Jóns Helgasonar]. 5.3 hryggur] 105 < ;hugur; öll önnur handrit. 7.7 torg] 105 < borg 166a. 8.6 álma skóða meginbjóðr] < álmar stóðu meginbjóð – [Tilgáta Jóns Helgasonar]. 9.7 mjök] 105, 149 < mitt 166a. 11.2 þundur] < þundi 166a,105. 11.5 þjóð] < það [Tilgáta Jóns Helgasonar]. 15.4 kveikti (í)] < kveiktu [Tilgáta Jóns Helgasonar]. 16.7 reika] < reia 166a. [Síðari hluti 16. vísu er greinilega úr lagi færður sbr. Jón Helgason: Arkiv for Nordisk Filologi 40, 1924, bls. 294–295]. 20.2 firna] svo í 166a, ;furðu; í öðrum handritum. 21.5 lifir] < lífs [Tilgáta Jóns Helgasonar]. 21.6 stinnr] < sinnist 166ab [Tilgáta Jóns Helgasonar]. 23.5 báls baldr] 105, 149ab < björk báls 166ab. Ath. skrifað er „sótti“ þótt í handriti standi „sokti“. |
