Tóbaksvísur

Neftóbak
Tóbak nef neyðir,
náttúru eyðir,
upp augun breiðir,
út hrákann leiðir,
minnisafl meiðir,
máttleysi greiðir
og yfirlit eyðir.

Píputóbak
Tóbak róm ræmir,
remmu framkvæmir,
tungu vel tæmir,
tár af augum flæmir,
háls með hósta væmir,
heilann fordæmir
og andlit afskræmir.

Tuggutóbak
Tóbak góm grætir,
gólf tíðum vætir,
veislu vel gætir,
vessann upprætir,
kappa oft kætir,
komendum mætir,
amann uppbætir.

-8-

Tóbakið hreint,
fæ gjörla greint,
gjörir höfðinu létta,
skerpir vel sýn,
svefnbót er fín,
sorg hugarins dvín,
sannprófað hef eg þetta.