Guðmundur Hannesson prófessor 70 ára

Þína eigin þræddir leið
í þjóðmálanna slarki.
Hún mun verða gata greið
að göfgu og háu marki.

Yfir slörkin byggðir braut
og brúaðir marga keldu
þar sem ýtar áttu í þraut
og ofan klyfjar felldu.

Steyptir vörðu á vegi þeim
vel fór það úr höndu.
Sóttir út um allan heim
efni í hverja blöndu.

Þó var íslenskt úrvalsgrjót
oft í mótin borið.
Þegar hallar hausti mót
í huganum áttu vorið.