Jóhann P. Guðmundsson - níræður 22/1 ´14

Höfðingi Braga, heill sé þér!
Heiður, sem Jóa í Stapa ber
græðist í hljóðri gleði.
Hógværð og næmi halda á
hugarins tæru ljóðaskrá
og myndrænni glóð í geði.

Ljósbrotin mörgu leiftra skær
ljóðin högu og vísnasær
greypt eru glöggt í minni.
Oft hefur glatt oss kvæði kært
kostina suma nokkuð lært
og glatt með þeim sál og sinni.

Æviferð þó sé orðin löng
eigi greinist í huga þröng
Alltaf ef hugljúft að hittast.
Níu tugir á lífsins leið
lengst af voru þér sporin greið.
Fetið samt farið að styttast.

Mörg voru gefin handtök hlý
hugsunin baðast góðvild í.
Manngerð þín mótun þá skráði.
Vinum í kærleiks ítök átt
allra ljómandi geðið kátt.
Hugblær því hlýju þar stráði.