Sigurjón Gíslason Syðstu Grund í Blönduhlíð 1878–1956

Sigurjón var fæddur 21. janúar 1878 á Krithóli í Lýtingsstaðahreppi, sonur Gísla Guðmundssonar og Herdísar Ólafsdóttur. Hann var gagnfræðingur úr Möðruvallaskóla. Sigurjón var bóndi á Syðstu Grund (Róðugrund) í Blönduhlíð á árunum 1900–1930 og stundaði jafnframt barnakennslu. Sigurjón kvæntist Efemíu Halldórsdóttur árið 1901 en hún andaðist árið 1929. Eftir lát hennar brá hann fljótlega búi og var fyrst í húsmennsku í Vallanesi í Hólmi. — Árið 1933 kvæntist hann Sigríði Jóhannsdóttur, Ijósmóður frá Torfustöðum. Bjuggu þau fyrst á hálfri Húsey í Hólmi, síðar á Reykjarhóli. Árið 1946 keyptu þau Torfgarð og bjó Sigurjón þar til dauðadags en hann dó 12. júní 1956.