Einar Georg Einarsson f. 1941

Einar Georg Einarsson fæddist á Húsavík 19. júní 1941, sonur hjónanna
Einars M. Jóhannessonar og Sólveigar Bergþóru Þorsteinsdóttur. Hann fór snemma að vinna á sjó og landi og tók mótorvélstjórapróf fyrir tvítugt. Næst snéri hann sér að múrverki og lauk sveinsprófi 1968 og fékk síðar meistararbréf.
   Einar tók síðan stúdentspróf og kennarapróf frá Kennaraskóla Íslands og starfaði upp frá því einkum við kennslu og skólastjórn á ýmsum stöðum. Hann var kennari við Skálatúnsheimilið  1972–1974 i Mosfellssveit og kenndi við Æfingaskólann 1974–1976. Þá var hann skólastjóri Grunnskóla Fáskrúðsfjarðar frá 1976 til 1980 og Hallormsstaðasóla 1880 til 1984. Kenndi við Heppuskóla á Höfn Hornafirði   1984–1986 og ritstýrði þá jafnframt héraðsblaðinu Eystra-Horni. Þá var hann skólastjóri Framhaldsskóla Mosfellsbæjar árin 1986 til 1988. Eftir það lá leiðin til Svíþjóðar þar sem hann kenndi íslenskum börnum móðurmálið í tvö ár. Eftir það lá leiðin aftur til Íslands og varð þá Skólastjóri Grunnskólans í Hrísey  frá 1991 til 1998. Síðan lá leið hans til Norðurlands vestra þar sem hann varð kennari við Laugarbakkaskóla í Miðfirði til 2010..

   Eftir Einar Georg liggur aragrúi af lausavísum, auk þess sem hann hefur gefið út tvær ljóðabækur: 
Þá mun vorið vaxa 1985 og Hverafuglar 2014.   ↑ MINNA