Kansóna, Skáld-Sveinsháttur

Kennistrengur: 10l:(o)-x(x):3,3,3,3,3,3,5,5,5,5:AbcAbcDDDD

Bragmynd:

Lýsing: Hátturinn er tíu línur og skiptist í tvo ólíka hluta. Í fyrri hluta eru sex línur þríkvæðar sem skiptast í tvo samhverfa hluta. Eru fyrsta og fjórða lína óstýfðar en hinar stýfðar og rímar fyrsta lína við fjórðu, önnur við fimmtu og þriðja við sjöttu. Í seinni hluta erindisins eru fjórar línur fimmkvæðar og óstýfðar og ríma þær allar saman. - Undir þessum hætti er Heimsósómi Skáld-Sveins. Um Skáld-Svein er ekkert vitað en talið hefur verið að hann hafi verið uppi á seinni hluta 15. aldar og ef til vill lifað eitthvað fram á 16. öldina. Davíðsdiktur Jóns Arasonar er einnig undir þessum hætti nema hvað hann víkur frá honum í því að önnur og fimmta lína eru óstýfðar og sama er að segja um kvæðið Ljómur sem einnig hefur verið eignað Jóni Arasyni en með vafasömum rétti.