Stefjahrun – óbreytt (hrunhent, uppdráttur eða vikivakalag)

Kennistrengur: 4l:[o]-x[x]:4,3,4,3:abab

Bragmynd:

Lýsing: Stefjahrun (hrunhent, uppdráttur eða vikivakalag) er ferhendur háttur og er eins og ferskeytt með fjórar kveður í frumlínum og þrjár í síðlínum og er sá einn munur að allar braglínur eru stýfðar og síðlínur því einu atkvæði styttri en í ferskeyttum hætti. Óbreyttur er hátturinn víxlrímaður og án innríms.
Þessi háttur kemur stundum fyrir í elstu rímum innan um ferskeytt, til dæmis í Sörlarímum sem taldar eru ortar á 14. öld. Virðist þar ekki gerður munur þeirra hátta. Háttarins gætir síðan lítið um tíma en kemur svo upp aftur. Guðmundur Bergþórsson (um 1657–1705) nefnir breytt afbrigði háttarins stefjahrun í fimmtugustu og þriðju rímu af Olgeiri danska.