Hryssugreyið hún er að deyja

Skýringar við vísu þessa í útgáfunni eru svohljóðandi: „Landi einn í N. Dakota hafði að orðtaki, ekki sízt þegar honum var mikið niðri fyrir: „Eg skal segja þér“. Hann seldi mjólk en brá sér oft inn á vínsöluhús, þar sem hann hitti aðra landa, og dróst þá oft tíminn við öldrykkju og samræður, og gleymdi hann þá hrossinu, sem hann hafði fyrir mjólkurvagninum. Einu sinni var kallað inn og sagt að hrossið væri klumsa. Þá orti K. N. eftirfarandi vísu. Aðrir segja, að maður sá, sem um er að ræða, hafi annazt flutninga með hesti og vagni.“