Lifðu í heimi gömul og góð

Vísan er rituð á neðri spássíu í AM 713 4to, bl. 31v. Þetta handrit er eitt aðalhandrit helgikvæða (sjá Jón Helgason: Íslenzk miðaldakvæði I–II, Köbenhavn 1936 og 1938) og skrifað af sömu mönnum og skrifuðu Staðarhólsbók (Ara, Tómasi og Jóni). Vísan virðist þó með annarri hendi en meginmál en þó tæpast miklu yngri.

Hér er litið svo á að „ágætt fljóð“ sé ávarp og því afmarkað með kommum.