Mörgum manni bjargar björg

Kristján Eiríksson frá Fagranesi á Reykjaströnd (f. 1945) lærði vísuna þannig. Sums staðar er vísa þessi eignuð Látra-Björgu, til dæmis í Lbs 936 4to, bls. 710 og þar höfð eins og hér.

Í Þjóðsögum Sigfúsar Sigfússonar (ný útgáfa) VII bindi, bls. 267, er vísan örlítið öðruvísi: Mörgum manni bjargar björg, / björgin hressir alla; / en að sækja björg í björg / bjargarlegt er varla. / Er þar sagt að Kötlu-Mangi hafi gjarnan kveðið þessa vísu við raust í veiðiferðum sínum með fuglastöng í Rauðanúp á Melrakkasléttu þegar vel veiddist.