Ég get ekki lesið ég get ekki skrifað

Egill var kominn á elliheimili á Húsavík og kunningi hans kom til hans og spurði hann hvernig hann hefði það. Það lá illa á Agli og sama var upp á hverju kunninginn fitjaði, Egill dæmdi það allt út af borðinu. Aðspurður kvaðst hann ekki geta skrifað neitt fyrir handadofa, ekki lesið vegna sjóndepru og hefði ekki einu sinni döngun í sér til að horfa á eftir gangastúlkunum, því hann væri heillum horfinn á því sviði. Sagðist geta orðað ástand sitt með þeim hætti, sem lýst er í vísunni.