Millibilið fáein fet

Orti Baldvin 18 ára. Kom á bæ og gisti, en heimasætan svaf í næsta herbergi. Að sögn Þóreyjar Hansen, Gísla Ólafssonar og fl. Skagfirðinga. 

Vísan birtist í bók Káins: 
Kristján N. Júlíus (K. N.): Kviðlingar og kvæði. Richard Beck gaf út. Reykjavík 1945 á bls. 17 og er þar höfð á þessa leið:

Millibilið fáein fet
farsæld skilur beggja;
gegnum þilið fram í flet
finn eg ylinn leggja.

Og fylgir henni eftirfarandi skýring: „Skáldið svaf í næsta herbergi við konu eina, sumir segja vinnukonuna, aðrir, sjálfa heimasætuna.“

Trúlegra er að vísan sé eftir Baldvin þótt tæpast sé unnt að fullyrða það með vissu.