Hneig til viðar himinfrú

Vísuna lærði Birna Jónsdóttur frá Grófargili (f. 1905), líklega af séra Tryggva sjálfum en hún var um tíma hjá þeim hjónum, séra Tryggva og Önnu konu hans á Mælifelli. Kristján Eiríksson frá Fagranesi á Reykjaströnd (f. 1945), sonur Birnu, lærði vísuna af henni.

Eitt sinn er séra Tryggvi var prestur á Mælifelli fylgdi hann útlendingum sem voru á leið suður fjöll. Voru það Englendingar. Hjörleifur Sigfússon, venjulegast kallaður Marka-Leifi var hestasveinn í ferðinni. – Eitt sinn snemma morguns er séra Tryggvi kom út úr tjaldi sínu og lítur í sólarátt, en sól var þá enn ekki risin, segir hann: „Hún er þá ekki komin á fætur enn blessuð himnafrúin.“ Gellur þá í Leifa: „Ha, heitir hún það sú danska?“ Taldi Leifi að Tryggvi ætti við konu Englendingsins en flestir útlendingar sem hingað komu voru danskir og gekk Leifi út frá því að svo væri og um þessa. – Út af þessu atviki orti Tryggvi vísu þessa þar sem hann tekur og upp orðtæki Leifa tvö í seinnipartinum.

*;heimi er færir; hafði Birna og stundum ;heims er stýrir; og var ekki alveg viss hvor gerðin væri réttari.