Hitler er dauður og horfinn sem pest

Hjörtur Laxdal, rakari á Sauðárkróki, var fæddur 21. desember 1908 og dáinn 12. maí 1946. Þar sem 21. desember var einnig afmælisdagur Stalíns spyrtu menn þá félaga stundum saman í gamni enda mun Hjörtur fremur hafa hallast til vinstri í þjóðmálum og óskað bandamönnum sigurs í heimstyrjöldinni miklu. Góður kunningi Hjartar var Ludvig Kjemp, vegavinnuverkstjóri í Skagafirði. Kjemp átti til Þýðverskra að telja í ættir fram og var af sumum talinn hliðhollur Þjóðverjum. Það mun hafa verið í maí árið 1945, ef til vill 1. maí eða á   MEIRA ↲

Hjörtur Laxdal, rakari á Sauðárkróki, var fæddur 21. desember 1908 og dáinn 12. maí 1946. Þar sem 21. desember var einnig afmælisdagur Stalíns spyrtu menn þá félaga stundum saman í gamni enda mun Hjörtur fremur hafa hallast til vinstri í þjóðmálum og óskað bandamönnum sigurs í heimstyrjöldinni miklu. Góður kunningi Hjartar var Ludvig Kjemp, vegavinnuverkstjóri í Skagafirði. Kjemp átti til Þýðverskra að telja í ættir fram og var af sumum talinn hliðhollur Þjóðverjum. Það mun hafa verið í maí árið 1945, ef til vill 1. maí eða á friðardaginn, 8. maí, þegar sigur bandamanna var í höfn og Hitler dauður, að Hirti þótti ástæða til að fagna. Kastað þá Kemp fram við Hjört vísunni: „Sveiflað er fánum og sungið er lag ...“ — Ekki líkaði Hirti vísan en treystist ekki til að endurgjalda hana sjálfur. Skömmu seinna hitti hann Stefán Vagnsson, og bað hann að endurgjalda vísuna. Stefán spurði hvar Kemp væri núna en Hjörtur taldi að hann væri í vegagerð norður í Fljótum og eflaust þar á fylliríi. Orti þá Stefán seinni vísu þessa. — Taldi Hjörtur þá vísuna um sig fullborgaða enda mun það mála sannast að fáar svarvísur hafi verið ortar beittari. – Nokkrum sögum fer fram um tilurð vísna þessara og einnig fara sumir með þær örlítið öðrvísi en hér er gert. Sumir tengja þær beint við afmæli Hjartar en það fær vart staðist þar sem það var 21. desember, eins og fyrr segir, en vísurnar birtust fyrst í Tímariti iðnaðarmanna 1. júní 1945. Þær eru þar að vísu tengdar afmæli Hjartar þá um sumarið en það getur tæpast verið rétt af fyrrgreindum ástæðum.    ↑ MINNA