Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (26)
Bæjavísur  (1)
Gamankvæði  (3)
Tíðavísur  (1)

Vor

Fyrsta ljóðlína:Ljómar heimur loga-fagur
Höfundur:Friðrik Hansen
Heimild:Skagfirsk ljóð bls.33
Viðm.ártal:
Ljómar heimur loga-fagur,
lífið fossar, hlær og grær.
Nú er sól og sumardagur,
söngvar óma fjær og nær.
Vorsins englar vængjum blaka,
vakir lífsins heilög þrá.
Sumar-glaðir svanir kvaka
suður um heiðarvötnin blá.

Hvílir yfir hæðum öllum
himnesk dýrð og guðaró.
Yfir jöklum, frammi á fjöllum,
fellir blærinn þokuskóg.
Nú er gott að vaka, vaka
vera til og eiga þrá.
Sumar-glaðir svanir kvaka
suður um heiðavötnin blá.

Drekk ég glaður fjallafriðinn,
fylli skálar sólskinsró.
Teigar ljós við lækjarniðinn
lítil rós í klettató.
Sé ég fagra sýn til baka,
sólareld og fjöllin blá.
Nú er gott að vaka, vaka
vera til og eiga þrá.